Rusiyanın Baytarlıq və Fitosanitar Nəzarət üzrə Federal Agentliyi Azərbaycandan Dağıstana 20 320 kq soğanın keçməsinə qadağa qoyub. Qurumun mətbuat xidmətinin yaydığı məlumata istinadən xəbər verilir ki, yük "Yaraq-Qazmalar" gömrük keçid məntəqəsində saxlanılıb.
Bildirilir ki, yük karantin yoxlamasından keçə bilməyib. Belə ki, soğanın tərkibində "Ambrósia artemisiifólia" adlanan təhlükəli bitki (alaq) aşkarlanıb.
Alağın mövcudluğunu Ümumrusiya Bitkilərin Karantini Mərkəzinin Dağıstan filialı da təsdiqləyib.
