Azərbaycan cüdoçusu Hidayət Heydərov Bakıda keçirilən dünya çempionatında bürünc medal qazanıb.
GunAz.az-ın məlumatına görə, 73 kq çəki dərəcəsində yer alan 21 yaşlı idmançı son təsəlliverici görüşdə monqolustanlı Tsoqtbaatar Tsend-Oçiri məğlubiyyətə uğradıb. Heydərov rəqibinə vazari xalı ilə qalib gəlib.
Bununla da Azərbaycan yığması dünya çempionatında ilk medalını əldə edib.
Azərbaycan Respublikasının Prezidenti İlham Əliyev və ailə üzvləri təmsilçimizin görüşünə baxıblar.
