FIFA ilin ən yaxşı məşqçisi adına namizədləri açıqlayıb.
GunAz.az qurumun saytına istinadən xəbər verir ki, siyahıya 10 məşqçinin adı daxil edilib. Bunlar italiyalı Massimiliano Alleqri (“Yuventus”, İtaliya), xorvatiyalı Zlatko Daliç (Xorvatiya milli komandası), fransalı Didye Deşam (Fransa milli komandası), ispaniyalı Xosep Qvardiola, (“Mançester Siti”, İngiltərə), almaniyalı Yurgen Klopp (“Liverpul”, İngiltərə), ispaniyalı Roberto Martines (Belçika milli komandası), argentinalı Dieqo Simeone (“Atletiko”, İspaniya), ingiltərəli Qaret Sautqeyt, (İngiltərə milli komandası), ispaniyalı Ernesto Valverde (“Barselona”, İspaniya) və fransalı Zinəddin Zidandır (“Real Madrid”in sabiq baş məşqçisi, İspaniya).
Qeyd edək ki, mükafat sentyabrın 24-də İngiltərənin paytaxtı Londonda təqdim ediləcək.
