Bir sıra milli komandalar yoldaşlıq oyunlarında üz-üzə gəliblər. Gunaz.az xəbər verir ki, onların arasında DÇ-2018-in iştirakçıları da var.
Nigeriya Konqo DR ilə gücünü sınayıb. Görüş 1:1 hesablı bərabərliklə başa çatıb.
Cənub qonşumuz İran yığması qardaş Türkiyə millisi ilə qarşılaşıb. İstanbulda baş tutan görüş meydan sahiblərinin qələbəsi ilə yekunlaşıb - 2:1.
Mundialın digər iştirakçısı Səudiyyə Ərəbistanı isə İsveçrədə DÇ-dən kənarda qalan İtaliyaya uduzub - 1:2.
Portuqaliya – Tunis qarşılaşmasının hər iki iştirakçısı isə Rusiyada təşkil olunacaq dünya çempionatında yarışan komandalar olub. bu oyunda da qalib müəyyənləşməyib - 2:2.
Mundialın əsas favoritlərindən biri olan Fransa yığması isə İrlandiyanı məğlub edib - 2:0.
Hazırlıq oyunları
28 may
Bosniya və Herseqovina – Monteneqro - 0:0
Nigeriya – Konqo DR - 1:1
Qollar: Trust Ekonq, 15 - Malanqa, 78
Türkiyə – İran - 2:1
Qollar: Cenk Tosun, 6, 50 - Dejagah, 90+2
İtaliya – Səudiyyə Ərəbistanı - 2:1
Qollar: Balotelli, 21, Belotti, 68 - Əl Şəhri, 72
Portuqaliya – Tunis - 2:2
Qollar: Silva, 22, Joao Mario, 34 - Badri, 39, Ben Yusef, 64
Fransa – İrlandiya - 2:0
Qol: Jiru, 40, Fekir, 44
