Fransa çempionatının 27-ci turunun "Marsel"lə oyununda (3:0) zədələnən PSJ-nin hücumçusu Neymarın durumuna aydınlıq gəlib.
Qol.az-ın xəbərinə görə, sözügedən görüşdə topuğu burxulan braziliyalı futbolçu ən azı 3-4 həftə yaşıl meydanlardan kənarda qalacaq. Məlumatı klubun rəsmi saytı yayıb. Bu isə o deməkdir ki, Neymar martın 6-də Çempionlar Liqasının 1/8 final mərhələsinin "Real"la cavab matçını buraxacaq.
Qeyd edək ki, bu komandalar arasında Madriddə keçirilən ilk oyunda PSJ 1:3 hesabı ilə uduzmuşdu.
