Türkiyə prezidenti Rəcəb Tayyib Ərdoğandan sonra ölkənin baş naziri Binəli Yıldırım da 200 metr məsafəyə qaçışda dünya çempionu azərbaycanlı Ramil Quliyevi təbrik edib. Türkiyəni təmsil edən Ramil Quliyev Londonda keçirilən yüngül atletika üzrə dünya çempionatında 20,09 saniyə nəticə göstərərək yarışın favoriti hesab olunan niderlandlı Vayde Van Nikerki qabaqlayaraq dünya çempionu adını qazanıb.
R.Quliyev karyerasında ilk dəfə dünya çempionu adını qazandıqdan dərhal sonra onu Türkiyə Prezidenti Rəcəb Tayyib Ərdoğan da təbrik edib.
