Usta ehtiyatsızlığın qurbanı oldu
Hadisə Səbail rayonu, Badamdar qəsəbəsi, 2-ci massivdə qeydə alınıb.
GunAz.az xəbər verir ki,1977-ci il təvəllüdlü Telman Hüseynov fərdi yaşayış evinin 3-cü mərtəbəsində təmir işləri görərkən ehtiyatsızlıq nəticəsində yıxılaraq ölüb.
Hadisə yerinə rayonun hüquq-mühafizə orqanlarının əməkdaşları gələrək araşdırmalara başlayıblar. Məlum olub ki, dünyasını dəyişən T.Hüseynov fərdi yaşayış evində usta işləyib.
Faktla bağlı Səbail rayon prokurorluğunda cinayət məcəlləsinin 162-ci maddəsi ilə cinayət işi başlanıb, müvafiq ekspertizalar təyin edilib.