Bakının Nizami rayonu ərazisində avtomobil oğurlanıb. Teleqraf.com xəbər verir ki, Bakı şəhər sakini İbrahim Qədimova məxsus "Azsamand" markalı avtomobil qaçırılıb. İbrahim Qədimov oğurluqla bağlı Nizami rayon Polis İdarəsinin 25-ci polis bölməsinə müraciət edib. 25-ci polis bölməsi və Xəzər rayon Polis İdarəsinin 1-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakini Ramin Əliyev Mərdəkan qəsəbəsi ərazisində saxlanılıb.