Bir müddətdir koronavirus infeksiyasına yoluxan Xalq artisti Niyaməddin Musayev xəstəxanadan evə buraxılıb.
Bu haqda Xalq artisti "Instagram” səhifəsində məlumat yayıb.
"Bilirəm ki, mənə görə nigaran qalmısınız, şükürlər olsun, Azərbaycanın savadlı həkimləri sayəsində hər şey yaxşıdır. Yazdığınız gözəl sözlər və etdiyiniz dualar mənim üçün dəyərlidir”, - deyə müğənni paylaşımında qeyd edib.
N.Musayev müalicəsini ev şəraitində davam etdirəcək.
Qeyd edək ki, koronavirusa yoluxan ifaçı Mərkəzi Neftçilər Xəstəxanasında müalicə alırdı.
