Lənkəran şəhərinin Lüvəsər kəndində, Lənkəran çayında batdığı ehtimal edilən 1966-cı il təvəllüdlü Nəsirov Valeh Fayaz oğlunun axtarışları başa çatıb.
FHN-dən GunAz.az-a verilən məlumata görə, V.Nəsirovun meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
9:35
Böhran Vəziyyətlərində İdarəetmə Mərkəzinə daxil olmuş məlumata əsasən, Lənkəran çayının Lənkəran şəhəri, Lüvəsər kəndi ərazisindən keçən hissəsində bir nəfərin batdığı ehtimal olunur.
Fövqəladə Hallar Nazirliyindən GunAz.az-a verilən məlumata görə, Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Əlavə məlumat veriləcək.
