Xırdalanda sərnişin avtobusunun aşması nəticəsində 9 nəfər xəsarət alıb.
Səhiyyə Nazirliyindən GunAz.az-a verilən məlumata görə, hadisə Xocasən yolunda baş verib.
119 nömrəli marşrut avtobusunun aşması nəticəsində 9 nəfər xəsarət alıb.
Hadisə yerinə təcili tibbi yardımın 12 briqadası gəlib.
Xəsarət alanlardan iki nəfər Respublika Kliniki Xəstəxanaya, digərləri isə Tibbi Kliniki Mərkəzə yerləşdirilib. Onlardan birinin vəziyyəti ağır kimi qiymətləndirilir.
Faktla bağlı araşdırma aparılır.
