Bakıda ölümlə nəticələnən yol qəzası baş verib.
GunAz.az xəbər verir ki, dünən saat 18 radələrində Binəqədi rayonu Biləcəri qəsəbəsi ərazisində Nuslət Abdullayev idarə etdiyi “VAZ 2104” markalı avtomobillə yolu keçməyə çalışan 50-55 yaşlı kişini vurub. Ağır kəllə-beyin xəsarəti alan şəxs Kliniki Tibbi Mərkəzə yerləşdirilib. Məlum olub ki, o, Biləcəri qəsəbə sakini, 1960-cı il təvəllüdlü Kərimov Əzizağa Müslüm oğludur. Həkimlərin səyinə baxmayaraq o, gecə saatlarında vəfat edib.
Faktla bağlı Binəqədi rayon Polis İdarəsində cinayət işi açılıb, araşdırma aparılır.
