Ötən gecə Şəki şəhərində Rusiya vətəndaşı olan şəxsin Təcili və Təxirəsalınmaz Tibbi Yardım Stansiyasında ölməsi ilə bağlı hüquq-mühafizə orqanlarına məlumat daxil olub.
GunAz.az xəbər verir ki, şəhərin 20 Yanvar küçəsi 45 ünvanından 1965-ci il təvəllüdlü Məmmədzadə Eldar Nəzir oğlu ağır vəziyyətdə xəstəxanaya çatdırılıb. Həkimlərin səylərinə baxmayaraq onun həyatını xilas etmək mümkün olmayıb.
İlkin məlumata görə, Rusiya vətəndaşı olan E.Məmmədzadə insult nəticəsində vəfat edib.
Faktla bağlı Şəki şəhər Prokurorluğunda araşdırma aparılır.
