Müğənni Dilarə Kazımova avtomobil qəzası keçirib.
Gunaz.az xəbər verir ki, ötən günün axşamı baş verən hadisədə sənətçinin maşını avtobusla toqquşub.
Sərnişin avtobusunun sürücüsü sürət həddini keçərək, dairədə idarətməni itirib. Bundan sonra avtobus yolun kənarında duran D.Kazımovanın "Audi" markalı avtomobilinə çırpılıb. Nəticədə müğənninin maşını əzilib. Kazımova təhlükəsizlik kəmərini taxdığı üçün heç bir xəsarət almayıb. Amma avtomobildə olan köməkçisi başından xəsarət alıb və xəstəxanaya çatdırılıb.
Qeyd edək ki, hadisə Musabəyov parkı yaxınlığında baş verib. Qəzadan dərhal sonra əraziyə Dövlət Yol Polisi əməkdaşları və siğorta şirkətinin işçiləri gəlib.
