Məşhur türkiyəli futbolçu, "Trabzonspor"un hücumçusu Burak Yılmaz avtomobil qəzasına düşüb.
Gunaz.az "Milliyət"ə istinadən xəbər verir ki, futbolçu İstanbulun Sarıyer adlanan hissəsində idarə etdiyi "Porsche" ilə xoşagəlmaz hadisə yaşayıb. Futbolçunun sürdüyü lüks avtomobil idarəetmədən çıxaraq beton maneəyə, daha sonra isə yolun kənarında dayanmış cipə çırpılıb.
Hadisə şahidləri bildiriblər ki, Burak ciddi xəsarət almayıb və onu hadisə yerindən tanınmış futbolçular Səlcuk İnan və Olcan Adın aparıb. Burakın meneceri qəza xəbərini təsdiq edib.
