Fransanın Tuluza şəhərində naməlum şəxs “Allahu Əkbər” qışqıraraq küçədən keçən insanlara bıçaqla hücum edib.
GUNAZ.az “RİA Novosti”yə istinadən xəbər verir ki, hadisə nəticəsində 7 nəfərin xəsarət aldığı bildirilir. Zərəçəkənlər ayaq və qollarından xəsarət alıblar.
“Biz dayanıb sohbət edirdik. Birdən o, bizim üstümüzə sıçradı. Əvvəlcə oğlumu vurdu, sonra da qızımı”, - deyə hadisə şahidlərindən biri bildirib.
Təşvişə düşən sakinlər dərhal polisə xəbər verib. Hadisə yerinə gələn asayiş keşikçilərindən üçü də cinayətkarın hücumuna məruz qalıb.
