Daha bir məmur oğlu bahalı avtomobillə qəza törətdi

Ağdaş Rayon İcra Hakimiyyəti başçısının müavini Əsgərxan Həsənovun oğlu ağır yol qəza hadisəsi törədib.
GUNAZ.az bildirir ki, qafqazinfo-nun əldə etdiyi məlumata görə, hadisə bu gecə saat 2 radələrində baş verib.
Məmurun oğlu İlqar Həsənov 90 ZM 111 dövlət nömrə nişanlı "İnfiniti" markalı maşını yüksək sürətdə idarə edərkən qəza törədib. Maşın əvvəlcə mağazaya çırpılıb, daha sonra işıq dirəyini yerindən qopararaq rayondakı 5 nömrəli məktəbin həyətinə girib.
İ. Həsənov heç bir xəsarət almayıb. Onun içkili vəziyyətdə olduğu bildirilir.
Qeyd edək ki, məmur oğlu hazırda heç bir yerdə işləmir. Əvvəllər polis sistemində çalışıb.