Liviyanın cənubunda aviabazaya hücum zamanı 141 nəfər həlak olub. Bu barədə "France Presse" Halif Haftarın komandanlıq etdiyi Liviyanın Milli Ordusunun nümayəndəsi Əhməd Əl-Məsmariyə istinadən xəbər verib.
"Əsgərlər hərbi paraddan qayıdırdılar. Onlar silahsız idilər. Əsgərlərin əksəriyyəti həlak oldu", – deyə Əl-Məsmari bildirib.
Onun sözlərinə görə, həlak olanlar arasında aviabazada işləyən və ya onun yaxınlığında yaşayan dinc sakinlər də var. Hücumun hansı hərbi qruplaşma tərəfindən həyata keçirildiyi hələlik məlum deyil. (Report)
