Bu gün "DünyaveBiz.az"-ın redaksiyasına ilginc məlumatlar daxil oldu. Məlumatlarda bildirildi ki, Sumqayıt şəhərində yerləşən "ŞƏRQ BAZARI" Şəhər İcra Hakimiyyəti tərəfindən dağıdılır. Hadisə ilə bağlı redaksiyamızın əməkdaşları, Baş Redaktorla birlikdə Sumqayıt şəhərində oldular. Vəziyyətlə bağlı əməkdaşlarımız foto və video görüntüləri qeydə alıblar. Şəhər içtimaiyyəti bu halla bağlı böyük narahatçılıq keçiririblər.
Bir neçə sakinlərlə görüş keçirən əməkdaşlarımız iş günü olmadığından Şəhər İcra Hakimiyyətinin sözcüsü ilə əlaqə yarada bilməmişlər. Şəhər sakinlərinin bildirdiklərinə görə bazarın dağıdılmasına narazılıq etsələrdə şəhər Meriyası onlara əhəmiyyət verməyərək bazarı dağıtmışdır. Sakinlər əlavə olaraq qeyd etdilər ki, bir neçə ay bundan öncə Şəhər meriyası bazarın Müdirinə bazarı boşaltmaq üçün 3(üç) ay vaxt vermişdir. Lakin bazar rəhbərliyi bir neçə saat hadisədən öncə aylıq ödənişləri yığsada obyekt sahiblərinə bazarın dağıdılacağı barədə məlumat verməmişdir.
Bazrda rayonlardan alverə gələn sakinlər əməkdaşlarımıza bildirib ki, bazar İcra Hakiminin göstərişi ilə dağıdılır. Yerində araşdırma aparan əməkdaşlarımızın əldə etdikləri məlumata görə bazar Sumqayıt şəhərində yerləşən "XƏLİFƏ" Şadlıq evinin istifadə olunmayan hansısa sahəsinə yerləşdiriləcək. "Xəlifə" Şadlıq evinin müdiriyyəti tərəfindən siyahıya alma əməliyyatı aparılıb. Məlumatlı mənbə əlavə olaraq bildirir ki, Şəhər İcra Hakimiyyəti bazardakı obyekt sahiblərini və alver edən ticarətçiləri Sumqayıtda yerləşən "Cavid Ticarət Mərkəzindən" yer götürmələri barədə xəbərdar edibmiş. "Cavid Ticarət Mərkəzinin" rəhbərliyi yerin icarə xərclərini həddindən çox baha dediyindən ticarətçilər adı çəkilən ticarət mərkəzindən yer götürə bilməmişlər. Bununla bağlı araşdırmalarımız davam edir. Olay yerindən əldə etdiyimiz FOTO və VİDEO görüntüləri sizlərə təqdim edirik.
