Türkiyənin Elazığ vilayətinin Alacakaya mahalının Kapcin səmtində özəl şirkətlərdən birinə aid xrom mədəni çöküb. Hadisə nəticəsində 1 işçi ölüb, 1-i isə yaralanıb. Məlumata görə, mədənin dərinliyində boyük qaya parçası qoparaq işçilərin üzərinə düşüb. Ölən işçinin məhz həmin 1.5 tonluq qayanın altında qaldığı bildirilib. Mədəndə köməksiz qalan işçilərin xilas edilməsi üçün əraziyə xüsusi qruplar cəlb edilib.
