Zaqatalada 2 otaqlı evdə yanğın baş verib. Gunaz.az Fövqəladə Hallar Nazirliyinin saytına istinadən xəbər verir ki, sahəsi 56 kv.m olan birmərtəbəli 2 otaqlı evin 1 otağında ev əşyaları və taxtadan ibarət arakəsmə 5 m2 sahədə yanıb. Yanğının kəşfiyyatı zamanı 1934-cü il təvəllüdlü Musa Rəsul oğlu Musayevin cəsədi aşkar olunub. Evin qalan hissəsi yanğından mühafizə olunub. Yanğın saat 15:35-də yanğınsöndürənlər tərəfindən söndürülüb.
