Rusiyanın Krasnodar şəhərində baş vermiş güclü yanğın bir sıra fəsadlar törədib.
"Report"un məlumatına görə, bu barədə "TASS" agentliyi xəbər verib.
Məlumata görə, hadisə şəhərin Prokofyev küçəsində, altımərtəbəli yaşayış binasında qeydə alınıb. Hadisə nəticəsində 20 mənzil yanıb.
Alovun qarşısının alınmasına 100-dən çox insan cəlb olunub. Yanğın 1,5 min kvadratmetr ərazini əhatə edib. Yanğın zamanı 1 nəfər ölüb.
Rusiya Fövqəladə Hallar Nazirliyinin regional rəsmisi Aleksandr Tararıkinin jurnalistlərə verdiyi məlumata görə, hadisənin başvermə səbəbləri hələlik məlum deyil. O, yanğın zamanı 20 mənzilin yandığını təsdiqləyib.
Qeyd edək ki, yanğın söndürülüb.
