Əfqan ordusu böyük əməliyyata hazırlaşır- Taliban üçün son yaxınlaşır?
Əfqanıstan ordusu yaxın günlərdə Taliban hərəkatı tərəfindən işğal edilmiş regionların geri qaytarılması istiqamətində əməliyyatlara başlayacaq.
Bunu Əfqanıstan müdafiə naziri vəzifəsini icra edən Bismillah Xan Məhəmmədi deyib.
"Biz qüvvələrimizi əks-hücumlar üçün hazırlamışıq və onlar da bəzi rayonları geri alıblar. Taliblər aktivləşib, ancaq hökumət qüvvələri qarşısında duruş gətirə bilmirlər. Yaxın vaxtlarda taliblərin ələ keçirdiyi rayonların geri alınması üçün əməliyyatlara başlanılacaq”, - Məhəmmədi bildirib.
Məhəmmədi yaxın günlərdə Talibanı ölkənin bütün rayonlarından təmizləyəcəklərinə söz verib.