Vladimir Zelenski bu gün Azərbaycana rəsmi səfərə gələcək
Ukrayna Prezidenti Vladimir Zelenski bu gün Azərbaycana səfər edəcək. GunAz.az bu barədə Ukrayna Prezident Administrasiyasının mətbuat xidmətinə istinadən xəbər verir.
"Ukrayna Prezidenti Vladimir Zelenski dekabrın 16-17-də Azərbaycan Respublikasına rəsmi səfər edəcək. Ukrayna ilə Azərbaycan Respublikası arasında prioritet sahələrdə əməkdaşlığın inkişafına yönəlmiş bir sıra ikitərəfli sənədlərin imzalanması planlaşdırılır", - deyə məlumatda bildirilir.
Səfər zamanı V. Zelenskinin Azərbaycan Prezidenti İlham Əliyev və Baş nazir Əli Əsədovla görüşü gözlənilir.
Ukrayna və Azərbaycan prezidentləri Ukrayna-Azərbaycan biznes forumunda iştirak edəcəklər.
Həmçinin Zelenski, Azərbaycanın Ukrayna icmasının nümayəndələri ilə də görüşəcək.