Britaniya məktəblərində qəribə qadağa
İngiltərənin Birminhem şəhərindəki məktəblərdən birində tənəffüs zamanı uşaqların bir-biri ilə danışmasına qadağa qoyulub.
GunAz.az AZƏRTAC-a istinadən bildirir ki, qaydanı pozan şagirdlər cəzalandırılaraq dərsdən 20 dəqiqə uzaqlaşdırılacaq. Əgər bu qayda daha çox pozulsa, cəzalar da artacaq.
Bu qaydaya əsasən şagirdlər yalnız restoran və yemək məkanlarında bir-biriləri ilə ünsiyyət qura bilərlər.
Məktəb rəhbərliyi yeni metodun əsas məqsədinin uşaqların sakit və öyrənməyə hazır şəkildə dərsə başlamasını təmin etmək olduğunu bildirib. Lakin bəzi valideynlər bunun uşaqları bir-birinə yadlaşdıracağını iddia edirlər.
Qeyd edək ki, Naynsatyl adlı məktəbdə 1400 şagird təhsil alır. Yeni qayda noyabr ayının 5-dən tətbiq ediləcək.