İnternetdə "Taliban” hərəkatı tərəfindən 2016-cı ilin avqustunda Kabildə girov götürülən Amerika Universitetinin müəllimlərinin video görüntüləri yayılıb.
"Gazeta.ru”-un verdiyi xəbərə görə, 13 dəqiqəlik videoda girovluqda saxlanılan 60 yaşlı ABŞ vətəndaşı Kevin Kinq və 48 yaşlı Avstraliya vətəndaşı Timati Uiks ABŞ-ın yeni seçilən prezidenti Donald Trampa müraciət edərək kömək diləyiblər.
Terrorçular müəllimlərin azad olunması müqabilində Baqram həbsxanasında saxlanılan "Taliban” üzvlərinin azadlığa buraxılmasını tələb edir.
Xatırladaq ki, Kabildə yerləşən Amerika Universitetinin müəllimləri 2016-cı il, avqustun 7-də oğurlanıblar.
