ABŞ prezidenti Co Baydenlə Rusiyanın dövlət başçısı Vladimir Putin arasında görüş Azərbaycanın paytaxtı Bakı şəhərində keçirilə bilər.
GünAz.az xəbər verir ki, bu barədə məlumatı "Politico” nəşrinə ABŞ-ın keçmiş rəsmi şəxsləri və ekspertlər deyib.
Mənbənin yazdığına görə, bu mühüm görüşün keçirilə biləcəyi digər məkanlar sırasında Finlandiya paytaxtı Helsinki, İslandiyanın paytaxtı Reykyavik, Çexiyanın paytaxtı Praqa, Sloveniyanın paytaxtı Lyublyana və Polşanın paytaxtı Varşava şəhərinin adı çəkilir.
Xəbərdə həmçinin qeyd olunur ki, Çexiya ilə Moskva arasındakı münasibətlərin kəskin pisləşməsi, Praqanın seçilməsi ehtimalını azaldır.
