ABŞ-da Ağ Ev əməkdaşları üzərindən gündəlik koronavirus testləri vermək öhdəliyi götürülüb.
Bu barədə "Axios” portalı məlumat yayıb.
Məlumata əsasən, artıq sözügedən testin həftədə bir dəfə verilməsi kifayətdir.
Bu qərar Ağ Ev əməkdaşlarının bir çoxunun vaksinasiyasının tamamlanması ilə izah olunur.
Bununla yanaşı, prezident sarayının rəsmi təmsilçisi Kevin Munozun sözlərinə görə, virusla bağlı digər məhdudiyyətlər olduğu kimi saxlanılır. Əməkdaşlar əvvəlki kimi, yenə də maska taxmalı və sosial məsafəyə diqqət etməlidirlər.
Qeyd edək ki, Ağ Evdə gündəlik COVID testləri və N95 respirator-maskaların taxılması məcburiyyəti Baydenin prezident seçilməsindən sonra tətbiq olunmuşdu.
