Türkiyənin xarici işlər naziri Mövlud Çavuşoğlu Türkiyə-Rusiya Ortaq Strateji Planlaşdırma Qrupunun 8-ci iclasında iştirak etmək üçün 29 dekabrda Rusiyaya səfər edəcək.
Bu barədə Türkiyə XİN-in açıqlamasında bildirilib.
Soçidə keçiriləcək toplantıya Çavuşoğlu və rusiyalı həmkarı Sergey Lavrov rəhbərlik edəcək.
"İki ölkə arasındakı münasibətlərin regional və beynəlxalq inkişafı ilə əlaqədar hərtərəfli fikir mübadiləsi aparılacaq. Görüşün sonunda Rusiya və Türkiyə Xarici İşlər nazirlikləri arasında 2021-2022 tarixləri üçün Məsləhətləşmə Planı imzalanacaq”, - deyə məlumatda qeyd olunub.
