London "Arsenal”ının baş məşqçisi Mikel Arteta koronavirusa yoluxub.
"Report” xəbər verir ki, bu barədə klubun mətbuat xidməti "Arsenal”ın rəsmi saytında məlumat yayıb.
Paytaxt komandası bildirib ki, klubun bazası bağlanıb və son zamanlar ispan mütəxəssislə təmasda olmuş əməkdaşlar karantinə yerləşdirilib.
Klubun məşqçi qərargahının yerləşdiyi yerlərdə dezinfeksiya işləri görüləcək və Arteta ilə təmasda olmayanlar yaxın vaxtlarda öz vəzifələrinin icrasına qayıdacaqlar.