İranın yeni tip koronavirusa qarşı ərsəyə gətirdiyi dərmanlar müsbət effekt verib.
Bu barədə İran Səhiyyə Nazirliyinin mətbuat katibi Kiyanuş Cihanpur məlumat yayıb.
O bildirib ki, dərmanlar virusa yoluxan şəxslərin müalicəsində işə yarayıb. “Actemra” adlı dərman 24 saat ərzində təsirini göstərdi. Lakin immun sistemini qüvvətləndirən bu dərman haqqında dəqiq nəsə demək çətindir. Mütəxəssislər analizlərini davam etdirir. Müsbət nəticələrdən sonra dərman bazara çıxarılacaq”.
Tamamilə yerli imkanlar sayəsində ərsəyə gətirilən dərmanın bazara çıxarılması 3 həftə çəkə bilər.
Qeyd edək ki, İranda 354 nəfər koronavirusdan dünyasını dəyişib. 9 min nəfərə koronavirus diaqnozu qoyulub.
