Çində koronavirus epidemiyasından ölənlərin sayı 521-ə çatıb.
Bunu Çin Xalq Respublikasının İstanbuldakı Baş konsulu Cui Vei açıqlayıb.
Onun sözlərinə görə, 17 min 335 nəfərə koronavirus diaqnozu qoyulub. Epidemiyaya yoluxma şübhəsi 21 min 558 nəfərdə mövcuddur.
Xəstəlikdən sağalanların sayı 521-dir.
Bu arada, Çin hökuməti ABŞ-ı dünyada təşviş yaratmaqda ittiham edib. Belə ki, Çin Xarici İşlər Nazirliyinin mətbuat katibi Hua Çunqyinq rəsmi Vaşinqtonun dayanmadan təşviş yaratdığını bildirib. O, həmçinin, Ümumdünya Səhiyyə Təşkilatının Çinə ticarət və səyahət qadağasını da sərt tənqid edib.
Mətbuat katibi dünya ölkələrini təmkinli olmağa və elmi əsaslı ittihamlar irəli sürməyə dəvət edib.
Qeyd edək ki, koronavirusdan sonra Çinə səyahəti qadağan edən ölkə ABŞ olub.
