Əfqanıstanın Bəlx əyalətində bir hərbi helikopter qəzaya uğrayıb. Azı 7 hərbçi həlak olub.
GunAz.az BBC.Farsi-ə istinadla xəbər verir ki, bu barədə Əfqanıstanın Müdafiə Nazirliyi bəyanat verib.
Bildirilib ki, ölkə ordusunun bir ədəd "Mİ 17" tipli hərbi helikopteri Bəlx əyalətində uçuş həyata keçirərkən qəzaya uğrayıb.
Məlumata görə ölən 7 nəfər helikopter ekipajı və ordu hərbçiləri olublar.
Əfqanıstan mətbuatı ölkənin hava qüvvələrindəki helikopterlərin çoxunun istifadə müddətinin bitdiyini və qəzaların çoxunun texniki nasazlıqdan baş verdiyini bildirir.
