İsrailin baş naziri Binyamin Netanyahu beynəlxalq ictimaiyyətə müraciət edərək, yəhudi dövlətinə hücumları dayandırması üçün İrana qarşı təzyiqləri artırmağa çağırıb.
“TASS” agentliyi xəbər verir ki, baş nazirin belə bir açıqlamasını onun dəftərxanası yayıb.
“İran İsrailə qarşı qanlı terror hücumları həyata keçirmək üçün geniş cəbhədə addımlar atır. Beynəlxalq ictimaiyyəti bu hücumları dayandırması üçün İrana qarşı təcili tədbirlər görməyə çağırıram”, - Netanyahu belə deyib.
Baş nazir onu da əlavə edib ki, “İsrail öz təhlükəsizliyini istənilən yollarla qorumağa davam edəcək”.
