İllinoys ştatının Çikaqo şəhərinin parklarından birində baş vermiş atışma nəticəsində ən az 7 nəfər xəsarət alıb. GunAz.az TASS agentliyinə istinadən verdiyi məlumata görə, bu barədə bazar günü CBS telekanalı xəbər verib. Məlumata əsasən, hadisə şənbə günündən bazara keçən gecə baş verib. Şahidlər yoldan keçən avtomaşından atəş açıldığını bildiriblər. Xəsarət almış 7 nəfərdən birinin vəziyyəti ağır olaraq qiymətləndirilir. Hazırda cinayətkar axtarışdadır.
