ABŞ, İsrail, Yunanıstan və Cənubi Kipr nümayəndələri arasında Vaşinqtonda görüş keçirilib.
GunAz.az xəbər verir ki, sözügedən ölkələr Şərqi Aralıq dənizində iqtisadi əməkdaşlıq məsələlərini müzakirə edib.
ABŞ Dövlət Katibliyindən verilən bəyanatda sözügedən ölkələrin diplomatik nümayəndələrinin 25 iyulda Vaşinqtonda bir araya gəldiyi və Şərqi Aralıq dənizində birgə əməkdaşlıq sahələrini gündəmə gətirdikləri bildirilib.
Qeyd edək ki, Türkiyənin Şərqi Aralıq dənizində qazma işləri aparmağa başlamasından sonra bölgə ölkələləri, eləcə də ABŞ Ankaraya təzyiq etməyə davam edir. Yuxarıda adları sadalanan ölkələrin keçirilən görüşdə Türkiyəyə qarşı hər hansı ciddi bir qərar alması ehtimal edilir.
