Son gündə 1685 suriyalı qaçqın və məcburi köçkün öz ölkələrinə dönüblər.
GunAz.az SANA-a istinadla xəbər verir ki, bunu Rusiyanın Suriyadakı Sülh Mərkəzi deyib.
Rusiya Müdafiə Nazirliyinə tabe olan və qərargahı Suriyanın Hmeymim şəhərində yerləşən Sülh Mərkəzi bildirib ki, son 24 saat ərzində ölkəyə 1685 qaçqın qayıdıb.
Sülh Mərkəzi son həftədə Amerikanın nəzarətindəki ər-Rukban düşərgəsindən onlarla ailənin Suriya hökumətinin nəzarətində olduğu bölgələrdə keçdiyini bildirmişdi.
Mərkəz Livan və İordaniyadan Suriyayaya qaçqınların dönməsi tendensiyasının davam etdiyini bildirib.
