Kuba hakimiyyəti İrana ABŞ-la münaqişədə dəstəyini ifadə edib.
GunAz.az xəbər verir ki, bu barədə Kuba Xarici İşlər naziri Bruno Rodrigesin bəyanatında deyilib.
“Bizim İran İslam Respublikası ilə həmrəyliyimiz ABŞ-ın qardaş xalqa qarşı aqressiv eskalasiyası ilə bağlıdır. Beynəlxalq hüquq prinsipləri əsasında əməkdaşlığa və dialoqa çağırış edirik. Bu, baxış müxtəlifliyinin və sülhün qorunmasının yeganə yoludur”, - deyə XİN rəhbəri bildirib.
Qeyd edək ki, Oman körfəzində ABŞ-ın pilotsuz aparatının İran tərəfindən vurulması regionda vəziyyəti daha da gərginləşdirib.
