Ukraynada sərxoş ordu komandiri dəhşət saçıb.
Publika.az xəbər verir ki, Ukrayna Quru Qüvvələrinin Troitskidə yerləşən 30-cu briqadasının komandiri postunu tərk etmək istəyən əsgərlərinə odlu silahdan atəş açıb.
Nəticədə, əsgərlər ağır xəsarətlər alıb. Onlar xəstəxanaya yerləşdirilib. Briqada hadisəni ictimaiyyətdən gizlədib.
Hadisə barədə təktərəfli müstəqilliyini elan edən Luqansk Xalq Respublikası Xalq Milisi Ofisinin mətbuat katibi İvan Filiponenko məlumat verib. Onun sözlərinə görə, hadisə iyunun 18-də baş verib.
