Türkiyədə marketdən aldığı çörəkdən 10 santimlik kabel çıxan qadın nəvəsinin çörəyi çox sevdiyini bildirərək "Nəvəm bu kabeli uda, ya da gözünə zərər verə bilərdi. Bu işin ardını heç vaxt buraxmıyacam" deyib.
GunAz.az moderator.az-a istinadən xəbər verir ki, Antalyada axşam yeməyi üçün marketə gedən qadın 2 ədəd çörək alıb. Axşam yeməyi zamanı çörəyi kəsən qadın içində təxminən 10 santimlik elektrik kabelini görüb.
Hadisədən sonra İstehlakçılar birliyinin Antalya şöbəsinə gedən qadın çörəyi istehsal edən firmadan şikayətçi olub.
Öznur Özdəmir adlı qadın evində 11 aylıq nəvəsi olduğunu və kabelli çörək üçün mübarizə aparacağını söyləyib.
