Pentaqon ABŞ-da yaşamaq icazəsi almış potensial "yaşıl kart" sahiblərinin adıçəkilən hərbi qurum tərəfindən yoxlanmasını nəzərdə tutan yeni qaydalar tətbiq etməyi planlaşdırır.
GunAz.az Publika -ya istinadən xəbər verir ki, bu barədə hərbi qurumun nümayəndələri informasiya verib.
Xəbərə görə, yoxlamalar yalnız əcnəbilərə yox, başqa ölkənin vətəndaşı ilə nikaha girən və ya ikili vətəndaşlıqla yaşayan qohumları olan ABŞ vətəndaşlarına da şamil ediləcək. Qurum hesab edir ki, bu, terrorizm və ya casusluqla əlaqəli könüllü hərbçilərin sayının azaldılmasına imkan yaradacaq.
Yeni qaydalar fevralın 15-dək qüvvəyə minməlidir.
