İran müdafiə naziri Əmir Hatami Qərb dövlətlərinə müraciət edərək Tehranın səbrini sınamamağa çağırıb.
GunAz.az “Anadolu”ya istinadən xəbər verir ki, Hatami ABŞ və Qərb hegemonluğuna son qoyulduğunu, Qərbi Asiyada yeni qaydaların tətbiq edildiyini bildirib.
“Qərb dövlətlərinə müraciət edirəm: Tehranın səbrini sınamaq vaxtı deyil. Bunu etməyə çalışsanız, çox peşman olacaqsınız”, - deyə o vurğulayıb.
İranlı nazir qeyd edib ki, ABŞ-ın Suriyadan getməsi Qərbin regional təhlükəsizliyin təminatına töhfə verməməsinin göstəricisidir.
