“Hakkani şəbəkəsi” terror qruplaşmasının yaradıcısı Cəlaluddin Hakkani vəfat edib.
GunAz.az xəbər verir ki, bu barədə Əfqanıstanın “1TV” telekanalı “Taliban”ın bəyanatına istinadən məlumat yayıb.
Telekanalın məlumatına görə, C.Hakkani son illərdə yataq xəstəsi olub.
“Hakkani şəbəkəsi” 2012-ci ildə amerikalı hərbçilərə və Əfqanıstanın hökumət obyektlərinə edilən hücumdan sonra Ağ ev tərəfindən terror təşkilatları siyahısına daxil edilib.
Bu təşkilatın yaraqlıları digər terror təşkilatları – “Taliban” və “Əl-Qaidə” ilə sıx əməkdaşlıq edir və onu dəstəkləyirlər.
