Danimarkanın Horsholm şəhərinin hüquq-mühafizə orqanlarının əməkdaşları şəhərin ticarət mərkəzlərindən birində niqab taxmış qadına ölkədə ilk dəfə cərimə yazıblar.
GunAz.az xəbər verir ki, polislər iki qadın arasında baş vermiş davaya görə alış-veriş mərkəzinə gəliblər. Mübahisə edən iki qadından birinin digərinin üzündəki niqabı çıxarmaq istədiyi bildirilib.
Polis nümayəndələrinin sözlərinə görə, dava zamanı onlardan birinin üzündəki niqab düşüb, lakin polis gələndə qadın niqabı yenidən taxıb.
Polis, baş geyimini çıxarmaq təklifini rədd edən qadına 134 avro cərimə yazıb.
Məlumat üçün bildirək ki,1 Avqust tarixindən Danimarkada niqab qadağan olunub.
