NASA astronomları ötən bazar günü 2018 LA adlı yerətrafı asteroidi aşkar ediblər. Asteroid Yerin atmosferinə daxil olub və Afrika səmasında partlayıb.
Gunaz.az bildirir ki, bununla bağlı NASA-nın reaktiv hərəkət laboratoriyası məlumat yayıb.
“Bu asteroid bizim tapdığımız 3-cü yerətrafı obyektdir. Biz ikinci dəfədir ki, asteroidin Yerə düşəcəyini düzgün təxmin etmişik”, - laboratoriyanın nümayəndəsi Pol Çodas məlumat verib.
Praktiki olaraq hər gün Yerin yaxınlığından bir və ya daha çox kiçik ölçülü asteroidlər keçir.
Bu cür cismlər yer kürəsi üçün heç bir təhlükə törətmir, ancaq astronomlar 2013-cü ilin fevralında Çelyabinskə düşən asteroiddən sonra onların izlənilməsinə başlayıb.
