Çexiya bu gün Qüdsdə fəxri konsulluğunu açıb.
Gunaz.az xəbər verir ki, bu haqda Praqa qəzeti “Mlada fronta Dnes” məlumat verib. Fəxri konsul vəzifəsinə çex əsilli israilli iş adamı Dan Propper təyin edilib.
Çexiyanın Qüdsdə konsulluq açmasının əsas səbəbi iqtisadi əməkdaşlığın genişləndirilməsi məqsədi ilə əlaqələndirilib. Eyni zamanda Praqada Çexiya səfirliyinin Təl-Əvivdən Qüdsə köçürlməsi məsələsinin də müzakirə edildiyi vurğulanıb. Çexiya prezidenti Milaş Zeman səfirliyinin köçürlməsinin faəl tərəfdarı olduğunu qeyd edib.
O, hələ beş il əvvəl bu ideyanı irəli sürüb.
