Avstryanın xarici işlər naziri Karin Kneissl ABŞ prezidenti Donald Trampın İranla əldə olunan anlaşmanı pozmasını sərt tənqid edib.
Teleqraf.com xəbər verir ki, o, "ORF" dövlət televiziyasına müsahibəsində İranla əldə olunan razılaşma üzrə hərəkət edilməsini vacib sayıb.
"Anlaşmadan imtina etməyimiz etibarımızın itməsinə səbəb olacaq. Bu, digər anlaşmalara da inamı azaldacaq. Tramp bu cür məsələlərə iqtisadi maraqlar konteksindən yanaşır. Trampa demək istəyirəm ki, dünya siyasəti ailə holdinqi deyil və onu istədiyiniz kimi yönəldə bilmərsiz", deyə Kneissl bildirib.
