Məşhur Hollivud aktyoru Arnold Şvartsneqqer Los-Ancelesdəki xəstəxanadan evə buraxılıb.
Gunaz.az xəbər verir ki, bu barədə 70 yaşlı aktyorun mətbuat katibi Deniel Ketçell məlumat verib.
O, Arnoldun ev şəraitində müalicə aldığını və vəziyyətinin yaxşı olduğunu bildiirb.
Qeyd edək ki, Şvartsneqqer ötən ayın sonunda Los-Ancelesin Cedars-Sinai tibb mərkəzinə ürəyində kateter klapanının əvəzlənməsi üçün bıçaq altına yatıb. Əməliyyat zamanı çətinlik yarandığından Arnoldun ürəyində açıq əməliyyat aparmaq zəruriyyəti yaranıb.Əməliyyat bir neçə saat davam edib.
Xatırladaq ki, müsahibələrindən birində aktyor 1997-ci ildə də ürək əməliyyatı keçirdiyini söyləyib.
