Amerikada "Liberity" şirkətinə məxsus helikopter qəzaya uğrayıb.
Gunaz.az xəbər verir ki, qəza nəticəsində 2 nəfər ölüb, 3 nəfər isə yaralanıb.
Onların günəşin batışını fotosessiya etmək üçün helikopterlə gəzintiyə çıxdıqları məlum olub.
Göyərtəsində 5 nəfərin olduğu helikopter Nyu-Yorkdakı Şərq çayının üzərinə düşüb.
Sosial şəbəkədə yüklənən videoda helikopterin çaya düşməsi əks olunub. Deyilənlərə görə, mühərrikdə yaranan problemə görə qəza baş verib.
Hadisə ötən gün axşam saat 7-də baş verib.
Qeyd edək ki, qəza nəticəsində pilot xilas olub. Digər şəxsləri isə dalğıclar çaydan çıxarıblar. Onlardan ikisi boğularaq ölüb, qalanları isə xəstəxanaya çatdırılıblar.
