Suriyanın Quta vilayətindəki vəziyyətə görə terrorçuları dəstəkləyən ölkələr məsuliyyət daşıyır.
Gunaz.az Sputniknews-a istinadla xəbər verir ki, bunu Vladimir Putinin mətbuat katibi Dmitri Peskov İranın və Rusiyanın Suriyadakı bombardmanla əlaqəli olduğu barədə səsləndirilən iddiaları şərh edərkən söyləyib.
"Suriyanın Quta vilayətindəki vəziyyətə görə terrorçuları dəstəkləyən ölkələr məsuliyyət daşıyır. Bildiyiniz kimi, nə Rusiya, nə İran, nə də Suriya belə dövlətlər siyahısındadır. Çünki bu ölkələr Suriyada terrorla mübarizə aparırlar".
Qeyd edək ki, BMT-nin verdiyi məlumata görə, Qutada son üç gün ərzində edilən bombardman nəticəsində 100-dən çox mülki vətəndaş ölüb.
